أحلاهم وأتحداهم على كرسي الإعتراف ؟!! ‏ - الصفحة 2 - منتديات بحور الغرام || قصة إبداع لن تنتهي

**الرحّــalrhal ــال** · 03-08-2008, 12:00 PM

الاخت / احلاهم واتحدااهم

احيييك بتحية الاسلام
السلام عليكم ورحمة الله وبركااااااته

واسعدني وجودك على كرسي الاعتراف كشمعة تضئ دجا الليل ،
ومن دواعي السرور والفخر والاعتزاز ان اطرح كماّ من الاسئله
والاستفسارات عليكـ لعلي اجـــد من حروفكـ الطيبه اجابات حقيقيه
بعيدة كل البعد عن المجاملة وتصريف الوقت الى الاسئله>>>

س1_عندما يبكي الطفل يبكي على صدر أمه ... فعلى صدر من تبكي احلاهم ؟

س2_ما هي حكمتك في الحياة ؟؟

س3_لمن تهبين ابتسامتك دائما؟

س4_ما رأيك بـ المرأة المال الدنيا الحب الام الابن الحياة الموت أعضاء بحورالغرام؟

س5_أكبر عيوبك وتتمنين أن تغيرينها؟

س7ـــامامك فراغات قبل كل كلمة ارجو تعبئتهاا بما يناسب بنظرك :::

1- (( . . . )) عضو تمنين يطرح عليك اسئلته مبكراً؟؟

2- (( . . . )) عضو نشيط بصراحة . ؟؟

3- (( . . . )) عضو مفقود . ؟؟

4- (( . . . )) عضو خفيف دم . ؟؟

5- (( . . . )) عضو واثق من نفسه .؟؟

6- (( . . . )) عضو داخل مزاجكــ ؟

7- (( . . . )) عضو تتمنين تلتقين به ؟

8- (( . . . )) عضو تحسين أنه مثقف . ؟؟

9- (( . . . )) عضو نفسك تعرفين معنى اسمه . ؟؟

10- (( . . . )) عضو نفسك تغيرين اسمه .؟

11- (( . . . )) عضو رسخ اسمه في تاريخ بحور الغرام ؟؟

12- (( . . . )) عضو تحيسن انه يفهمك .؟؟

13- (( . . . )) عضو نفسك تقوله ( كلامك صحيح دائما ) .؟؟

14- (( . . . .)) عضو يناسبه لقب ( الطموح ) .؟

15 ـ (( . . . )) عضو تحسين انه خفاش دايما يرد بسرررعهولايدخل الا بالليل ؟؟

16 ـ (( . . . )) عضو عاجبك اسمه .؟؟

17 ـ (( . . . )) عضو يستحق الإشراف .؟؟

18- (( . . . )) عضو نفسك تطلعين معاه رحلة الى ماليزيا .؟؟؟؟؟

19 - (( . . .)) عضو يستاهل الأحترام والتقدير.؟؟

20 -(( . . .)) عضو تعطية درجة امتياز بجدارة على طريقة طرحه للمواضيع؟؟؟

اتمنى تكون خفيفه على ضيفتنا ؟؟

لكم ولها تقديري

أحلاهم وأتحداهم · 03-08-2008, 08:32 PM

تسلمولي على هيك اسئله

بس اسمحولي اليوم ماراح أقدر أجاوب بكره\ت علي اختبار

وأوعدكم بكره أجاوب عليكم

أدعو لي من كل قلبكمـ

سجة القلب · 03-08-2008, 08:44 PM

8
8
8
8

خذي راحتس يالغالـــيهـ احلاهم

والله يوفقتس ياارب

وتجيبين فل مارك *_^

ونحن نترقب الى ان تنتهين من الامتحان

سميتك غلآي · 03-08-2008, 09:26 PM

الله يوفقك ويسهل عليك ويعمي عيون الدكـآتره عنك

وآلــله يعينك آنشــآآآء الله

مــوفـــــــــقهــ

**الرحّــalrhal ــال** · 04-08-2008, 03:48 AM

الله يوفقك

اميييييييييين

أحلاهم وأتحداهم · 04-08-2008, 06:09 PM

اقتباس:

المشاركة الأصلية كتبت بواسطة المشتاق [عزيزي الزائر يتوجب عليك التسجيل للمشاهدة الرابطللتسجيل اضغط هنا]

هلا وغلا

مشكوره ورد

نبداا

السلام عليكم؟

وعليكم السلام

كيف الحال؟

الحمدللة بخير

وش اسمك

هههههههه كأني داخله اختبار (زينب)

وكم عمرك

20

وكم وزنك

48 واحيانا يصير 49

وكم طولك

انا موطويله طولي تقريبا 157

وكم عندك اخو

3

وكم عندك اخت

5

وش نو جوالك

n73

رقمك مميز

عندي رقمين واحد شبة مميز وواحد لا

جوالك وشو

عندي سوا شريحتيين وموبايلي وحده بس موايلي ماافتحها الا للضرورة

عندك اخت

؟؟؟؟؟

وش يعني لكي بحور الغرام

المنتدى احبة كثير ومااتخيل روحي استغنى عنة

وش افضل قسم عندك غير قسم الصور

الاهدائات+الحقائق+ الألعاب

من افضل قلم عندك

كثيييييييييييييييير

من الى تشوفي مواضيعه تستانسين

كثيييير(اسير/البرنس/سفير/عمر...........

من ازحف عضو عندك

ازحف تساوي شنو يعني موفاهمة عليك

هل لديك اخت في بحور مسجله

ايه بس ماتدخل ابدا
من العضو المتكبر

مافية

عساء بس ماطولت عليكي ياغلا

لا اشدعوهـ

.....................

أحلاهم وأتحداهم · 04-08-2008, 06:21 PM

اقتباس:

المشاركة الأصلية كتبت بواسطة تعبت آهواك [عزيزي الزائر يتوجب عليك التسجيل للمشاهدة الرابطللتسجيل اضغط هنا]

آهلآلآلآلآ وسهلآلآلآلآ بآلآخت

هلالالالالالالالا ووالله بالأخو هههههه

آحلآهم وآتحداهم

منوـوره كرسي آلآعتـ{اف

تسلم والله النور نورك

آخبارك آن شاء الله مرتـآحه ومبسوطـه

بخير الحمدلله

ايه مرتاحه ومبسوطة والدليل اني جالسه أجاوب على اسئلتك وانا اتغذى

هذي آسألتي وآن شاء الله تكون خفيفه عليــك

ياااااااااااااااااااربـ

1- ماهو طموحك ؟
طموحي مثل اي بنت نفسي تعدي 3 سنوات واتخرج من الجامعه وأتزوج وأكون عائله وووو2-

ماهي آحلامك التي حققتيها وتعتبري آنها آنجاز بحياتك ؟

امممممممم يمكن دخولي للجامعه3

- ثقتــــك العالية بنفسك من آين تستمديها وكيف تحافظين عليها وتطوريها ؟

انا بصراحه ماعندي ثقه بنفسي واجد أحافظ عليها

اتمنى اني أطورها ويكون عندي ثقة أكبر من ثقتي الحاليه

4-ما هو شعورك عندما تغيبي عن المنتدى لمده يومين آو آكثر ؟

شعور لايوصف افتقدهـ كثييييير
بس احيانا انصدم اني اغيب تريبا اسبوع واكثر ومحد يسأل عني :060:

5- تجربـــــــــــة مررتي بهاا وتتمنين آن تكرريها ؟
أيام ثانوي اتمنى انها تنعاد ياني مشتاقه للرجه هههههه6-

ماذا يعني لكٍ .. (( الـــــــــــبــــحــــــــــــــر )) ؟

اووووووووهـ البحر شي خطير احبة كثير وياليته يحمل عني شوي بس احيانا لما نروح البحر وأوقف أتامل فيه اقول داخلي شكثر انا احبه بس شكثر هو غدار

7- شخصية في حياتك تتمنين آن تمتلكي مثل ميزاتها ومواصفااتهاا؟
أخوي أنيس يااني احب هالشخص حب جنوني له مكانه عندي غير عن اخواني كلهم طيب وحنون وكريم وكل شي فيه يعجبني وربي دوم أقول لأمي ابغى اذا تزوجت زوجي يكون مثل مواصفات اخوي

8- اذا تم تعيينك ملكةً لجميع البلاد العربيه فما آول قرار ستتخذيه ؟

يووووووووووووة راح اسوي البلاوي

بصراحه أول شي اسويه امحي البطاله والله حرام ياكثرهم الشباب الجامعيين اللي ماعندهم وظيفه

وسالفه بند الأجور الغيها وخلي تعيين المعلمات رسمي

أزيد مكأفأت الجامعه بالخصوص احناقسم ادبي يعطونا 840 وعلمي 1000
خيريعني علمي على راسهم ريشة

- شنو شعورك لما شخص يقول آنه يحبك ؟
ههههههه
وربي من قبل كم يوم قالت لي بنت انها تحبني انا عادي حبتني او لا بس وربي انحرجت وقام قلبي يدق طبول 10- من تتمني يحل مكانك بعد انتهاء الاسبوع ؟

حكاية احساس

وبــس خــلآص ,,

هههههه كل هذا وبس خاص ههههه امزح

يعطيك العافية على هيك اسئله

أحلاهم وأتحداهم · 04-08-2008, 06:48 PM

اقتباس:

المشاركة الأصلية كتبت بواسطة البرنس الذهبي [عزيزي الزائر يتوجب عليك التسجيل للمشاهدة الرابطللتسجيل اضغط هنا]

هــلآآآ والله زيزووو

هلا وغلاااااا بعيون زيزو ههههههههه

آخيرآآ شفتك بالكرسي << نااوي لك على نيه

ايه اخيرا وليس بالأخير ههههه

الله يستر من نياتكـ يالعـــ................هـ

منوورهـ الكرسي ياقمررر .. وان شآآء الله تكووني مرتآآحه فيه

تسلم وربي ايه مرتاااااااااااااااااااااااااااااحه

وانتـ كمانـ منور بحضوركـ

عندي آسئله آن شآء الله يكونوا آخف من آكل البيتزآ وآطعم من السفن آب .. ^__^

ههههههههههه طيب انت اللي فتحت على نفسك باب بس ابشرك الحين انا شبعانه يعني لو أشوف بيتزا قدامي ماقربت لها

الحمدللة يعني هههه

نبدآء ..

1/ متى تكوون أحلاهم وأتحدآهم سعيدهـ .. ومتى تكون حزينه ؟؟

أكونـ سعيدهـ اذا شفت الشخص اللي احبه سعيد ومبسوووووط

أكونـ حزينه اذا حد زعل مني وانا موقصدي ازعله مثلا يوم السبت انا جلست من النوم 11 الظهر ويوم الأحد رحت الكليه مواصله= بدون نوم ويوم الأثنين الا هو اليوم علي اختبار احصاء رجعت من الجامعه الساعه 1 الظهر تسبحت وبدلت وصليت ونمت الساعه 2 الظهر وجلست 5 العصر كلمت خويتي ودوع وقالت لي انها بتنام الساعه 9 الليل وتبغاني اجلسها الساعه 3 الفجر قلت لها من عيوني
المهم هيه اذا تنام تخلي جوالها غير متصل بالشبكة صرت اتصل واتصل واتصل وجوالها مقفل المهم انا مونايمة تقريبا الا 4 ساعات

المهم اتصلت عليها الى الساعه 3 وربع الفجر وجوالها غير متصل بالشبكة انا بلاشعور نمت والساعه 4 جاني مسج فتحته الا هو كولمي من عند خويتي على طول اتصلت ليها

رفعت لي وبعد السلام والكلام قلت لها وشفيك موطايقتني قالت لانك سخيفه ماجلستيني من النوم قلت لها كيف اجلسك وجوالك مقفل قالت انا فتحته الساعه 3 ونصف وانتظرتك تتصلي وماتصلتي وزعلت مني وانا وربي العظيم حلفت لها بديني وعظيمي والقهر انها جاها موجود كم مرة انا اتصلت فيها

وزعلت مني والحين كل مااتصل عليها ماترد على اتصالي

وربي انا مضااااااااايقه كثيييييير عارفه كتبت قصة حياتي
2/ شنو رآيك بقيآآدهـ المرآءه للسيارهـ .. وهل تؤيدينهاا آم لآآ ..وآيش هي السيارهـ المفضله عندكـ ؟؟

انا بصراحه نفسي اسوق بس مودائما يعني بس نفسي اجرب السواقة بس ماأؤيد السواقة

ومااعرف انواع السياير

3/ هل انتي آجتماعيه آم انطوائيه (تحبين الوحدهـ ) ... وهل انتي مرحه ولا جآآدهـ بآسلوبك بشكل عآم ..؟؟؟

انا اجتماعية وابدا مااحب الوحدة

وانا مرحة كثييييييييييييييييير بس في المواقف الجادة اكون جادة

4/ وشو احلى قسم عندك في المنتدى وتحبين تشارك فيه كثير ؟؟؟

أقسام كثيره احبها

احب اشارك بالألعاب مو عشان شي وربي بس علشان اسولف معاكم

5/ آذكري لنا آحلى موقف صار لك بحياتك ... وذكري لناا آسواء موقف صار لكـ .. ؟

احلى موقف اممممممم مواقف كثيرهـ بس جالسه اتذكر موقف منهم

امممممممممممممممممممم بقول اكثر شي ضحكني من قبل يومين انا واختي اللي اصغر مني جالسين بغرفتي نتعشى واختي الكبيرة جالسه على سريري وشابكة من جهازي المهم اختي الكبيره مادة رجولهاوانا كل شوي اقول لحور اختي اللي اصغر مني صدقيني بتجيك رفسة منها وهذيك شابكة ورايحه في خبر كان هههههههههههههه المهم انا واختي جالسين نسولف واختي كانت تشرب بيبسي وصاير وجهي مقابل وجهها عدل المهم اختي الثانية مدت رجولها وتجيبها برفسه على راسها وش قوايتها ههههههههههههههههههههههههههههههههههههههه عاد انا وش يسكتني واختي وجهها صار كأنة علامات استفهام خخخخخخخخخخخخخخخخخخخخخخخخخخخخخخخخخخخخخ وبس

يمكن انت ماتضحك بس لوشفت الموقف كيف البيبسي طاح من يدها من الخلعه ههههههههه
.................................................. ..........................................

اسوأ موقف العام في 4 رجب لما كنا جالسين الفجر ونزل اخوي وقال لنا أن أبوي ماتـ

6/هل آنتي تمارسين الريااضه ... وشنو فريقك المفضل ..؟؟

لا ماأمارس الرياضيه ولاعندي فريق مفضل

7/مااهي هوآيآآتك المفضله .. ومآآآهو نووع جهآآز جووالك ..وهل انتي تستخدمين شريحه واحده ولا آثنتين ؟

احب اقرأروايات رومنسية

ومن ضمن هواياتي النت

جوالي n73

عندي 3 شريحات ثنتين سوا وحده للجامعه ووحده لكل حياتي ههه

وموبايلي بس مودائما افتحها
8/ وش يعني لآحلآآهم :

الام :غلا الدنيا

الحزن :شي احاول ابتعد عنه بس احيانا مااقدر

الصمت :افضل من الكلام

الخيآنه :وقاحة بشر

الحب :عذاب

الصدق :جميل بس احيانا يجرح

الليل :الهدوء واحسه خاص للعشاق

البحر :جميل بس غدار

غروب الشمس :امممممم بداية اللليل

9/ منو مطربك المفضل ... واي نوع من الآغآني تفضلين .. رومنسي .. طرب .. حزين .. وهل انتي مغرمه بالاغاني الغربيه ..؟؟

مطربي المفضل راشد الماجد

على حسب الموقف اللي اعيش فيه مثلا من قبل شوي كنت مضايقه سمعت اغنيه يادهري لاتحملني البلاوي

لا ماأسمع اغاني اجنبيه بس احيانا لماأشوف اغنيه اجنبيه انا واختي نقوم نستهبل ونرقص عليها ههههه

10 / مآآهي حكمتك بالحيآآه ... وهل آنتي تحتفلين بعيد ميلاادك ام لآآ ..؟؟

لاتؤجل عمل اليوم الى الغد

كنت احتفل بعيد ميلادي بس الحين لالالا

وبس وصلنا حدنا الائتمااني .. وانشاء الله مانكون طولنا عليتس بالاسئله

ههههههههههههههههههه ايه حلو والله

لابالعكس ماطولت علي على الأقل ارتحت وكتبت اللي ببالي

لي عوودهـ

ههههههههههههههه حلوهـ هذي لي ((عـــــــودهـ))

انتظر العــــــودهـ طيب ههههههههههه

أحلاهم وأتحداهم · 04-08-2008, 06:57 PM

اقتباس:

المشاركة الأصلية كتبت بواسطة افــراق [عزيزي الزائر يتوجب عليك التسجيل للمشاهدة الرابطللتسجيل اضغط هنا]

احلاهم

سؤالين

تفضل

1/ شرايك بالمنتدى ؟
حلووووووو كثير بس بصراحه مااحس كل شخص ياخذ حقة

قوليلي شنو السلبيات عندي ..؟

كيف يعني سلباتك انت أو سلبيات المنتدى موفاهمه وضح لوسمحت

سي يوو

حيااااااااااااك

أحلاهم وأتحداهم · 04-08-2008, 07:02 PM

اقتباس:

المشاركة الأصلية كتبت بواسطة سجة القلب [عزيزي الزائر يتوجب عليك التسجيل للمشاهدة الرابطللتسجيل اضغط هنا]

هلا وغلااا بخيتنا الحلوة

هلا وغلا بيك يقلبي

احلاهم منورة الكرسي يالغالية
تسلمي والله وانتي بعد منورهـ يحلوهـ

انا عندي كم سؤال خطروا ببالي هالحين اتمنى انها خفيفة عليتس *_^

انشاء الله

ســ : اخوتس الصغير رفع ضغطتس حيــل ... واخر شي كت الماي على الكيبورد ... وش بتسوين .. امانتس :D ؟

هههههههههه انا اخوي الصغير بيروح ثالث ثانوي ههه بس لوعندي صغير وسوا اللي قلتي عنه اضربة ضرب مبرح ههههههههههههههههه

ســ : عطيني طموحتس المستقبلية ان شا الله ....؟؟

قلتها قل اتخرج من الجامعه واتزوج ووووووو

ســ : شنو قسمتس اللي انتي فية او تخصصتس ...؟؟
جغرافيا

ســ: انتي ساكنة بالقطيف ... عطيني ابرز السلبيات اللي بالمنطقة وودتس تغيرينها ..؟؟

فديتها القطيف والله

سلبياتها انهم يحترموا الأجنبي ويحسبوا له مليون حساب اكثر من السعودي

ســ : عطيني الايجابيات اللي ودتس تكون بجميــع المناطق ؟؟
ان التلفونات والجوالات تكون ببلاش يعني نكلم بدون حساب هههههههههه
ســ : دولة ودتس تزورينها ... ومن بتاخذين معتس ... اختاري نفرين فقط ...؟؟ ومن داخل المنتدى

الهند

سجة القلب

سميتك غلاي

ســ : حسيتي يوم بضيق ... وحزن ... اول شخص تتوجهين لة من هو .... ؟؟؟

خويتي وديعه بس الحين هية زعلنه مني وانا مضايق بقوة ومافيه حد اتوجة لة

اتمنى اني ما طولت ... والله اسئلة كثيرة في بالي بس ما ابي اطول اكثر

لا اشدعوة ماطولتي يلقبي ويالله فرجينا اسئلتك الكثيرهـ

بعد الاسئلة ان كانت عشرة ماعاد رجعت وان كانت اقل ... برجع ان شا الله

حياك يقلبي انا انتظرك

مشاهدة نتائج الاستفتاء: رشح ضيفك لكرسي الإعتراف في الأسبوع القادم !!
سلطان الغرام	8	30.77%
HOME ALONE	4	15.38%
حكاية إحساس	10	38.46%
قمرالشوق	4	15.38%
المصوتون: 26. لا يمكنك التصويت على هذا الاستفتاء.

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)